प्रहरी कार्यालय
जिल्ला कास्की पोखरा म.न.पा.३० पावरहाउस चोक स्थितमा भैरहवाबाट पोखरा आउदै गरेको ग१ख९६३९ नं. को बसलाई चेकजाँच गर्ने क्रममा बसमा सवार यात्रु जिल्ला कास्की पोखरा म.न.पा.८ आलुमाईलाचोक बस्ने वर्ष २२ को रन्जन क्षेत्रीलाई शंका लागि चेकजाँच गर्दा निजले पछाडी बोकेको खैरो रंगको झोला भित्र लुकाई छिपाई ल्याएको डाईजापाम-४० एम्पुल, फेनारागन-४० एम्पुल र नुर्फिन-४० एम्पुल गरी जम्मा १२० एम्पुल लागुऔषध सहित निजलाई र बसको कागजपत्र नियन्त्रणमा लिएको छ । यस सम्बन्धमा प्रहरीले थप अनुसन्धान गरिरहेको छ ।
जिल्ला न.प. (पूर्व) हुप्सेकोट गा.पा.२ डाडाँखोला बस्ने वर्ष १९ को मिन बहादुर दमै (अबिवाहित) आफ्नो घर देखि १५ मिटर पूर्व तर्फ आफन्तको बारीमा रहेको अमलाको रुखमा सलको पासो लगाई झुण्डि मृत अवस्थामा छ भन्ने जानकारी प्राप्त हुनासाथ प्रहरी टोली खटि गई आवश्यक अनुसन्धान भईरहेको ।
जिल्ला लमजुङ बेसीशहर न.पा.७ मनाङचौतरा स्थित सिता थापाको घरमा डेरा गरी बस्ने जिल्ला मनाङ घर बताउने छेजंग गुरुङको श्रीमती बर्ष ५२ की पोसीमा गुरुङ आफु सुत्ने कोठाको पंखामा उनिको सलको पासो लगाई झुण्डि मृत अवस्थामा छ भन्ने सुचना प्राप्त हुनासाथ प्रहरी टोली खटि गई आवश्यक अनुसन्धान भईरहेको ।
जिल्ला कास्की पोखरा म.न.पा.५ जिरो कि.मि.स्थित रहेको NMB बैङ्कको ATM मा अपरिचित एक जना व्यक्तिले हात(मुक्का)ले हानी कीप्याडमा क्षती पुर्याएको छ भन्ने सूचना प्राप्त हुनासाथ प्रहरी टोली खटि गई आवश्यक अनुसन्धान भईरहेको । ATM मा मुक्का हान्ने जिल्ला कास्की माछापुच्छ्रे गा.पा.६ घर भएको वर्ष २९ को राज कुमार पौडेललाई नियन्त्रणमा लिई व.प्र.का.बैदाम ल्याईएको, अनुसन्धान कार्य भई रहेको छ ।
मिति २०८०।०८।१९ गते अन्दाजी २२:३० बजे पोखरा-१४ नयाँपुल स्थितमा साईकलयात्री वर्ष २४ को सञ्जय नेपालीलाई वर्ष २० को पूर्ण तामाङ र वर्ष १८ को आशिष थापामगरले डरत्रास देखाई निजको साईकल लगी गएको भन्ने सुचना प्राप्त हुनसाथ ७ जनाको टोली खटी गई खोज तलास गर्ने क्रममा सोही स्थान नजिकै रहेको दिनेश खाजा घरमा खाजा खाँदै गरेको अवस्थामा साईकल सहित निजहरुलाई फेला पारी सोधपुछ/अनुसन्धान गर्ने क्रममा पूर्ण बहादुर तामाङलाई शङ्का लागी निजको कोठामा गई रितपूर्वक खानतलासी गर्ने क्रममा निजले सेतो प्लाष्टिक भित्र लुकाई छिपाई राखेको लागु औषध गाँजा १ किलो ५०० ग्राम फेला पारी उक्त गाँजा सहित दुवै जनालाई नियन्त्रणमा लिई व.प्र.का. रामबजार ल्याई राखिएको छ ।
जि.न.प.(पूर्व) मध्यबिन्दु न.पा.१० सानो खहरे स्थित पूर्व-पश्चिम राजमार्गमा आउदै (काठमाण्डौँ बाट कपिलबस्तु दुलही लिएर फर्कदै गरेको) बा १५च८०६८ नं.को स्कारपियो अनियन्त्रित भई सडकबाट अं.३० मि.तल पल्टेको छ भन्ने खबर प्राप्त हुनासाथ तत्काल प्रहरी टोली खटि गई घाईतेहरुलाई उद्धार गरि उपचारको लागि जि.अस्पताल डण्डा पठाईएको ।
नेपाली सेनाको काठमाण्डौ शिवपुरी स्थित सैनिक कमाण्ड तथा स्टाफ कलेजमा सञ्चालन भईरहेको सि.सं.३० को कमाण्ड तथा स्टाफ तालिमका विदेशी तथा नेपाली सेनाका शिक्षार्थी अधिकृतहरुद्वारा यहि मंसिर १२ गते गण्डकी प्रदेश प्रहरी कार्यालय पोखराको अवलोकन भ्रमण कार्यक्रम सम्पन्न भएको छ ।कार्यक्रमको अवसरमा गण्डकी प्रदेश प्रहरी कार्यालय पोखराका प्रहरी नायब उपरीक्षक गजेन्द्र आचार्यले समग्र प्रदेश अन्तर्गत रहेका नेपाल प्रहरी सङ्गठनको आन्तरिक तथा भौतिक संरचना, शान्ति सुरक्षाको अवस्था, अपराधिक क्रियाकलाप, प्रहरी जनशक्ति परीचालन, सवारी दुर्घटनाको अवस्थाका साथै नेपाली सेना र नेपाल प्रहरीको सहकार्यको विषयमा प्रशिक्षण प्रदान गर्नुभएको थियो । प्रशिक्षण पश्चात शिक्षार्थीहरुका जिज्ञासाहरुलाई सम्बोधन गर्नुहुदै गण्डकी प्रदेश प्रहरी कार्यालय पोखराका प्रमुख प्रहरी नायब महानिरीक्षक बुद्धिराज गुरुङले समाजमा शान्ति, सुरक्षा कायम गर्न नेपाली सेना र नेपाल प्रहरीको सहकार्य अपरिहार्य रहेको बताउनु भएको थियो । उक्त प्रशिक्षण कार्यक्रममा विदेशी तथा नेपाली सेनाका ६२ जना शिक्षार्थी अधिकृत र ४ जना तालिम शिक्षकहरुको उपस्थिति रहेको थियो ।
मंसिर-०७, पोखरा ।सशस्त्र प्रहरी बलको श्री स्टाफ कलेज काठमाण्डौंमा सञ्चालन भईरहेको सि.सं ८ सशस्त्र प्रहरी कमाण्ड तथा स्टाफ तालिमका शिक्षार्थी अधिकृतहरुलाई प्रदेश अन्तर्गतको शान्ति सुरक्षा र सहकार्यको विषयमा गण्डकी प्रदेश प्रहरी कार्यालय पोखरामा प्रशिक्षण सम्पन्न भएको छ । प्रशिक्षणको क्रममा आउनुभएका शिक्षार्थी अधिकृतहरुलाई गण्डकी प्रदेश प्रहरी कार्यालय पोखराका प्रहरी नायव उपरीक्षक गजेन्द्र आचार्यले गण्डकी प्रदेशको समग्र भौगोलिक, अपराधिक, प्राकृतिक विपदको अवस्थाका साथै सशस्त्र प्रहरी बल र नेपाल प्रहरीको सहकार्यको विषयमा प्रशिक्षण प्रदान गर्नुभएको छ । प्रशिक्षण पश्चात शिक्षार्थीहरुका जिज्ञासाहरुलाई सम्बोधन गर्नुहुदै गण्डकी प्रदेश प्रहरी प्रमुख प्रहरी नायव महानिरीक्षक बुद्दिराज गुरुङले समाजमा शान्ति, सुरक्षा कायम गर्न सशस्त्र प्रहरी बल र नेपाल प्रहरीको सहकार्य अपरिहार्य रहेको बताउनु भएको थियो ।